抵錫

庭綺的舞姿(瞓時)可能真係遺傳自媽媽, 但肯定青出於藍. 誇張到你唔信. 床頭瞓到床尾, 脚央央不在話下, 最喜歡企起身, 再”鐘”落床, 好似玩笨豬跳咁. 企直, 合埋眼, 忘我, 傾斜, 跌! 有時真係被佢撞到個頭, 肚痛到死又唔敢唉, 怕嘈醒佢. 痛之餘, 仲無得瞓, 雙失!!

庭綺大個哪, 越來越”識玩”, 日頭玩得癲得滯, 夜晚就會喊醒, 最高紀錄係一晚喊醒四次, 媽媽等於唔使瞓!!!!媽媽以前都係個瞓咗就唔知打風落雨0既人, 今時今日, 已經被train到可以全晚處於備戰狀態…不過有一晚, 媽媽好sweet, 原因係有一晚, 庭綺依舊半夜醒咗, 眼仔碌碌, 但無喊, 然後細細聲叫”媽媽”, 媽媽怕”整醒”佢, 有排都瞓唔番, 只好咋瞓唔理佢. 庭綺好乖咁瞓響度”思索”.媽媽唔覺意地陏咗吓脚, 佢以為 媽媽醒咗, 又再細細聲叫”媽媽”, 媽媽依舊唔應佢, 就係呢個時候, 庭綺突破爬到媽媽身上, 錫咗媽媽一啖, 又再瞓低”思索”. 果一刻, 媽媽好開心, 好感動啊, 開心的情緒令媽媽好快就自自然然咁進入夢鄉哪, 連庭綺幾時瞓著都唔知, 只係第二朝見佢依舊舞姿婀娜地在甜睡中.

written by Jade's mum