成個月都無update個blog, 原因係媽媽最近實在太攰了 (精神上), 日日都滿天星, 懶到唔想”旭”. 連帶bb去玩, 去影靚相的心情都無, 抵打!

Bb最近叻咗好多, 開始會跟人口水尾講野, 講一d非曡字的詞或者超級短句. 例如, 雨善姐姐扭計唔行, bb會講: 姐姐. 走! 又例如媽媽自己食雪糕唔俾bb食, bb會喊得好凄涼咁話: 媽媽. “Yai Yai”. 實在太可愛哪. 講起可愛, 有時媽媽真係俾呢個b電到著迷. 哈哈, 媽媽好喜歡從下而上75度角望bb個靚樣, 眼睫毛蹺蹺 , 雙眼皮深而長, 大眼睛, 小嘴巴, 尖下巴, 真係好迷人. (唔好介意媽媽讚得咁盡, 慈母係咁架哪!) 但不幸的是, 佢已經識持靚行兇, 好鬼死惡. 又喜歡尖叫, 媽媽最怕就係尖叫, 好刺耳, 好難受. 都係時候要”調校”吓哪.